Ate Sienna Ng Pansitan

(Click thumbnails to enlarge)

Noo Yok, Noo Yok!

Nung May 6 go kami sa “City That Never Sleeps” say nga ni Ol’ Blue Eyes. (Pero diba dapat Vegas ang lugar na di uso ang tulog? Anyways…) Overnight lang. Type lang naming mamasyal ng konti, mag-flea market. Hindi rin naman kasi sya kalayuan. Mga tatlong oras lang na byahe magmula sa amin. May kasama pang side-trip yun papuntang Philly dahil sinundo namin si M, dyunakis ni Bossing, na dun nag-aaral.

Wala masyadong pictures akong nakunan. Kakaloka kasi ang Vig Afol (”Big Apple”) – walang maparadahan! As in, singkwenta porsyenteyj ata ng oras namin nauwi sa paghanap ng farking. At luluha ka ng dugo kapag nakakita ka ng farking speys kasi mahal ang per kinse minutos nya! Pero dahil kasama namin ang sumisikat na rin sa pansitan (na tulad ng mga pamangkin ko) na si Pearlyn, kailangan dala namin ang sasakyan kasi maawa ka naman sa bagets kung palalakarin mo ng ala-Boston Marathon yun all over. Eh madami din kami – si Ninang Judes, si M, si nanay, si Pearl nga, ako at si Bossing.

Pero eniweys-my-way, hafi ako, ha! Nakita ko ang famous new year’s eve venue na Times Square, ang Broadway, pati mga kung anik-anik na mga marquees ng mga theatre performances sa NY. Ganun pala yun. Akala ko kasi dati tabi-tabi yung mga pinaglalabasan ng mga plays na yun kaya hop along ka na lang from one to the other. Hindi pala.. kahit na magkakalapit pa rin sila, relatively, iba’t-ibang kalye pala sila minsan. At ang pinakamasarap sa lahat, ang highlight ng Sabardey ko ay ang pagnood namin ng Lion King! Nakakaloka! Ang galing ng costumes, ang galing ng sets, ng mga props. Talagang minsan iisipin mo yung mga puppets ang nagsasalita at hindi yung mga may taong may hawak o may suot sa kanila. Ang ganda-gandang sobra!

Isa sa pinakapaborito kong Disney movie ang Lion King. All-time favorite namin yan na magkakapatid. Nung uso pa ang laser disc player, isa ito sa pinaka-unang LD na binili ng kapatid ko. At hulaan nyo kung ilang ulit naming pinanood ito? Ako na lang, mga dalawampung beses ko na ata itong napanood, mas matindi pa si Ringo sa dami. Kaya sa kaka-paulit-ulit, mistulang naka-dikit na ng epoxy sa utak ko ang dialogues nito ever! At yun pa ang nakakatuwa sa play, halos 90% of the dialogues came from the movie.

Pero, meyn, payo lang.. kung aabutin ng higit sa tatlong oras ang panonoorin nyong broadway play, wag kayong mag-e-SRO (standing). Mistulang dumami ata ang varyus (varicose) veins ko pagkatapos. Pero no complaints, ha, kasi sulit ang play. Pero eto, nagbibilang na nga ako ng varyus veins sa legs ko. hehehehe

Pagkatapos naming manood ng matinee, maya-maya nag-ikot-ikot pa kami ulit (para nga sa farking, ageyn) at ang next stop, St. Patrick’s Cathedral para makapagsimba na. Ang laki ng St. Patrick’s Cathedral. Ito nga kasi ang largest catholic cathedral sa Jameyrika. Mukhang mga dalawang libo siguro ang maiuupo dito. Nagkataon pa nga, nung nagsimba kami, Filipino pa ang paring nagmisa. Bongga! Nung una may-i-surprise ako kasi naka-cordon ang paligid ng seating area ng simbahan. Tinatanong pa ng mga ushers kung magsisimba ba kami. Nung tapos na ang misa at tinanong ko ito kay Bossing, sabi nya, kasi nga, magmula ng 9-11 talagang naghigpit na pati ang security ng simbahan. Sabagay, kung ito nga naman ang pinakamalaking catholic church pwede ngang maging target din ito ng terorismo.

Dun kumuha ako ng maraming pictures. I’m beginning to love taking pictures of churches. Mas lalo na yung mga gothic na tulad ng SPC. Hmmmm.. alam nyo, gagawin ko nga yan. Magkukukuha ako ng pictures ng mga simbahan. Mas lalo dito sa MD, ang daming iba’t-ibang klaseng simbahan. Magawang “Church Project” (hmp.. para namang ang dami ko raw projects na hindi pa tapos kaya???)

Kinalingguhan, go naman kami sa flea market. Di ko na maalala kung saang flea market ito pero malaki sya. hehehe.. sa maliit na halaga, marami kang mapapamili. Kaya ako, next to Divisoria, flea markets sa Jameyrika ang gustong-gusto kong puntahan.

Babalik kaming dalawa ni Bossing sa NY. Kasi marami pang lugar dun ang hindi ko pa napuntahan at gusto akong ipasyal ni Bossing. Aba, sa malayo ko lang nakita si Li-ber-te. At ang isla ni Coney, di ko pa rin sight. Alam na alam ni Bossing ang NY, dito kasi sya unang napadpad nung dumating sya sa Jameyrika. This time, leisure walking na kaming dalawa – mag-su-subway na kami papuntang NYC :)

At bago ako magbabush for this morning, papa-happy birthday kiss lang ako sa dalawa kong pamangkin na magkasunod ng birthday twing May. Happy Birthday Pancho and Sef… I love you so much and I miss you!!! At Belated HAPPY MOTHER’S DAY sa aking huwan en onli Inang… mahal na mahal kita. (At sa inang din ni Bossing at kay Patring at Greta at Lola Idad ko. At sa lahat ng mudras sa buong mundo!)

Pancho and Sef (sitting) with their brother, Maki

(Nakita 2453 beses ng 333 bisitors)

22 Responses to “The (New York) Morning Report”