AIMS Human Resources and Immigration Inc.

47/365 days of blogging.

Grabe! Three thousand years akong hindi nakapag-blog! At maraming nangyari… kaya paunti-unti, installment, ikukwento ko sa inyo. Para makahabol sa chika.

Pero eto muna, public service.

Ang AIMS HUMAN RESOURCES AND IMMIGRATION INCORPORATED, na pag-aari tyahin ko at ng kaibigan nyang si Miss Mary ay isang Canadian immigration consultancy and human resources staffing service para sa Canada na based sa Calgary, Alberta. Medyo matagal na rin sila at marami na nga silang natulungan na makapunta sa Canada (pramis, marami na talaga!)  Ang maganda kasi, si Miss Mary ay member ng Canadian Society of Immigration Consultants at lisensyadong Immigration Consultant. So sigurado talaga na alam nila ang ins and outs ng immigration laws ng Canada.

So hemingweys, alam ko, marami sa inyong gustong mag-migrate sa Canada. ‘Kasamaang-palad, hindi na ito kasing dali na tulad ng dati. Nung panahon ko, anim na buwan lang, basta kasama ka sa listahan ng skilled workers, ma-a-ayos na papeles mo, ni hindi mo na nga kailangan ng consultant.  Pero hindi na raw kasi ganun ngayon. Mas mabusisi na raw ang immigration, mas mahigpit na ang embassy. Kaya marami sa atin ang gumagamit ng immigration consultant. Ang problema, hindi lahat ng consultancy eh legit. Marami na tayong naririnig na tinatakbo na lang ang pera nyo, tapos wala na. One-two-three, goodbye-laway.

Kaya dapat pinag-aaralan ninyo ang pakikitunguhan ninyo na agency.  Siguraduhin nyo na may magandang track record.  Magtatanong-tanong kayo.   Garantisado, legit ang AIMS.   Hellows… palagay nyo kaya, ilalagay ko sila sa website ko kung hindi sila legit???   (Eh institusyon na ang pansitan.net, kaya?  True yun! Pramis! Itanong nyo pa sa mga lolo nyo.)  Atsaka alagang-alaga ng mga tyahin ko ang mga immigrants at workers nila.  Sinusundo pa from the airport pag dating nila, tinutulungan na makakuha ng matitirhang apartment at may socials pa sila palagi.  May human touch ang pag-papatakbo nila ng opisina nila.  Which is how it should be, diba? Ay naku, proof na lang yung mga postings nila sa Facebook page nila.  Hit na hit, bilib yu mi.

Mga prenships, ipagkalat nyo pa sa iba, ito ang agency  na makakatulong sa inyong Canadian Immigration needs.

flyer1

flyer2

(Nakita 15911 beses ng 3420 bisitors)

Roll Out The Tequila!!!


Darating na si Patring namin! Itong Nobyemvers 19, darating na si Patring kasama ang 2 sa lima kong kulit-pamangkeneseses sa Calgary sa Canada. Ang asawa ni Patring, si Papi, matagal-tagal na ring nauna. Mga isa’t-kalahating taon na. Nung unang dumating si Papi, sa McDonald’s sya unang nakakuha ng working visa. Mataas na kung tutuusin ang posisyon ni Papi sa atin – manager ng Outback sa Makati. Pero tulad ng marami, nakipagsapalaran sya. Nilunok ang pride, nag-crew ng McDonald’s para lang makarating sa Canada.

Pero magaling kasi si Papi. Mga ilang buwan lang, naghanap ulit ng ibang mapapasukan. Marami na ngang ibang resto ang gustong kumuha sa kanya. May naswertehan syang isang resto, na dahil na rin siguro na-impress sa kanya (at ginawa na syang branch manager agad), gagawin na syang provincial nominee (para maging landed immigrant status) at kasama pa ang pamilya nya. Kaya ayun, wala pang kalahating taon magmula nung makuha sya sa bagong resto, parating na ngayon ang pamilya nya. Darating na ang bunso kong sisterette!

Dalawa na kaming andito, 2 down… 2 more to go. Kapag andito na rin sina Greta at Ringo, masayang-masaya na ako talaga… Konti na lang… konting dasal pa.

Entonces, sa Kaneyda ako magseselebreyt ng birthday ni bebi Jesus. Simula pa lang ng Disyemvers 19 nasa Calgary na ako hanggang Jenuweri 5. Bongga! Excited na ako. Nag-text din ako kay Mark na pinsan ko sa San Diego, CA at uuwi din sya – sa parehong araw na uuwi ako. Kaya Happy-Happy-Ebribadi-Happy. Malungkot nga lang kasi hindi ko kasama si Bossing. Hawa kasi ang schedule nya kaya for the perstaym, hindi kami magkasama ng Pasko’t Bagong Taon. Pero keri lang… ngayon lang naman. Miss ko na rin kasi sina Inang at Itang eh – isang taon at kalahati ko na silang hindi nakikita. At halos tatlong taon ko nang hindi nakikita sina Patring. Naiintindihan naman ako ni Bossing. Alam nyang miss na miss ko na ang pamilya ko.

Kaya tipid movement ako ngayon. Kailangan mag-ipon. Sa Calgary na ako mamimili ng mga regalo.

At sa mga ka-tsikang-prenship gang ko sa Calgary, humanda kayo! Kasama nyo ang reyna ng Cucci Gang itong holidays!!!! WOOHOOO!!!!! Ilabas na ang TEQUILA!!!

MWAHAHAHAHAHA!!!!

Related Posts with Thumbnails

(Nakita 24173 beses ng 3531 bisitors)